Aleah Sulaiman Bantas
Kagkalendem ko seka sa uman mabulig i mga palopalo sa balangan na kulay nu mga ulak.
Kagkalendem ko ged seka sa kapedsayog nu mga kayu sa bagel na sambel.
Di ko magaga u di ka gapagitung, gadtatanggit ko seka sa itungan ko
Apya endaw ako pebpawang tayan.
Apya kapedsagad nu mga babak, talangas endu tapuri sa benday ni ama,
Umengka mana kapok a penggantung i mga gabong sa pulo na langit.
Seka bu i gailay ko,
Umengka semagad sa itungan ko, gagkalendem ku,
I kapya na mata nengka, su lantik na pipilik nengka ka,
Seka bu i gadtareman sa magabi endu mapita—
Daren ped a gapangilay ko ka seka bu sa langun na makaukit sa lupa a pigkaselanan ko.
Ikaw sa lahat
Filipino Translation
Naiisip kita sa tuwing nagkukumpol ang mga paru-paro sa iba’t ibang uri ng mga bulaklak.
Naiisip kita lalo sa tuwing umiindayog ang mga puno sa simoy ng hangin.
Di ko maiwasang hindi alalahanin ka, dinadala ka ng isip ko.
Kahit saan magpunta, mahal.
Kahit sa tuwing dumadalaw ang mga palaka, tutubi’t tipaklong sa bukid ni ama,
Kapag ang mga ulap ay parang mga bulak na lumulutang sa itaas ng kalangitan.
Ikaw lang ang natatanaw ko,
Kapag dumadaan ka sa isipan ko, naaalala ko,
Ang ganda ng mga mata mo, ang hubog ng iyong pilik,
Ikaw lang ang gunita sa gabi at umaga—
Wala ng ibang hanap pa kundi ikaw sa lahat ng tumapak sa lupang tinubuan ko.